«Ես չեմ պատրաստվում իմ խոսքերը հետ վերցնել… երբե՛ք»,- այսօր Հաղթանակ զբոսայգում՝ եռատոնի միջոցառումների շրջանակում, լրագրողների հետ զրույցում ասաց ՀՀ-ում ՌԴ արտակարգ եւ լիազոր դեսպան Իվան Վոլինկինը:
Հիշեցնենք, «Ноев Ковчег» ռուսալեզու պարբերականին տված հարցազրույցում դեսպանն ասել էր, որ պետք է զբաղվեք Հայաստանում գործող հասարակական կազմակերպությունների չեզոքացմամբ, որոնք ցանկանում են սեպ խրել ռուս – հայկական հարաբերությունների մեջ՝ օրինակ բերելով Ռուսաստանում ՀԿ-ների գործունեությունը կարգավորելու մասին նոր ընդունված օրենքը։
Aravot.am-ի դիտարկմանը, որ իր հայտարարությունը քննադատությունների առիթ է հանդիսացել, ինչպե՞ս է վերաբերվում այդ քննադատությանը եւ արդյոք կարծում է, որ Հայաստանում այնպիսի իրականություն գոյություն ունի, որ ռեպրեսիվ մեթոդներով պետք է գործել, դեսպանն ասաց, որ իր հայտարարությունը սխալ է հասկացվել եւ մեկնաբանվել:Վոլինկինի խոսքերով` ինքը Հայաստանում է, որպեսզի երկու երկրների բարիդրացիական հարաբերությունները շարունակվեն, այլ ոչ թե հակառակը, որ սեպ խրվի այդ հարաբերություններում:
Այլ մանրամասները՝ տեսանյութում
Կարդացեք նաև
Նելլի ԳՐԻԳՈՐՅԱՆ
Իսկ ո՞ր ինտերպրետացիան կհամարվի ճիշտ «պետք է զբաղվել Հայաստանում գործող հկ-ների չեզոքացմամբ» արտահայտության: Ինչ է նշանակում չեզոքացում՝ աքսո՞ր, բանտարկություն, թե՞ տնային կալանք, եթե բարի դրացիական տեսանկյունից նայենք:
Արմինե ջան, եթե ՀԿ-ն չի զբաղվում հակառուսական հիստերիայով, որը շատ վտանգավոր է բոլոր առումներով, ուրեմն այդ ՀԿ-ն թող հանգիստ վարի իր գործունեությունը հազար տարի: Հասկացիր, ամբողջ աշխարհում էլ արգելված է հակա-գործունեությունը: Մենք էլ անդադար բոլորի ուշադրությունն ենք հրավիրում այն փաստին, որ մեր հարևան երկրում հակա-հայկական հիստերիա են տարածում: Վոլինկինը շատ ճիշտ է ասել, եթե որևէ ՀԿ վաղը նույնն անի մեկ ուրիշ երկրի նկատմամբ, նրա դեսպանն էլ անպայման նույն կերպ կարձագանքի և ճիշտ կանի
Արդյո՞ք հակահայկական հիստերիա չէր հայ վարորդին կանացի ծաղկավոր խալաթ հագցնելը Վոլինկինի հայրենիքում: Դրա չեզոքացումը ինչո՞ւ չիրականացավ:
Армине, Вы правы на все 100%! А кто говорит, что в России нет подобных провокаторов?( а это была самая настоящая провокация) Есть! И с ними тоже борются очень серьезно, поверьте!